Page 47 - FDLP

Minister Dangui Oduber: Meta Di Maneho Di Minister

Dangui Oduber Ta Pa Stimula Participacion Activo

Den Deporte

 Politica
- 02/09/2019

Minister Dangui Oduber su maneho di salud publico ta dirigi riba prevencion. Esaki t’e
unico forma cu por garantiza cu e fondo di AZV ta keda uno duradero y sostenibel.
Hopi di nos no ta consciente cu Aruba ta un di e poco paisnan den henter mundo cu tin un
aseguro medico general cu ta brinda cobertura pa den un pakete asina amplio.
E fondo di AZV ta continuamente bao presion, gastonan ta keda subi, Aruba ta den
vegrijzing y nos communidad no t’esun di mas saludabel.

N’e momentonan aki mas cu 70% di nos poblacion ta sobrepeso di cual 36% di e 70% aki
ta obeso. E cifranan aki ta alarmante y esaki ta conduci na varios consecuencia pa nos
salud manera malesanan cronico.

Consecuencianan cu esaki ta trece cune p’e fondo di AZV ta hopi. Actualmente 8 di cada
100 adulto nan Aruba ta diabetico.
Dor di e cosnumo halto di sucu cu tin na Aruba hopi persona ta cuminsa sufri di e malesa
cronico diabetes y ta bira diabetico. Pacientenan cu ta diabetico ta responsabel pa 19% di
e gastonan total di AZV.

Nos comunidad mester bira hopi mas consciente di nan lifestyle, nan manera di biba, nan
manera di come y nan manera di haci ehercicio.