Page 51 - FDLP
P. 51
SELECCION U-18 DI HULANDA
A GANA SU PROME WEGA DI
BASEBALL
2 September, 2019, 4:06 pm
E seleccion di Baseball U-18 di Hulanda a bay cu su prome victoria, cual ta uno hopi
importante. Nan a gana Nicaragua cu e score di 4, pa asina tin 2 wega perdi y 1 gana. Cu
e victoria aki Hulanda tin un chens ainda pa un luga den e Super Round.
Luuk ter Beek tabata e pitcher cu a cuminsa y a mantene e wega te cu inning 7, unda
Hulanda tabata ganando 4-1. Cu 2 hungado riba base y 0 out, coach di Hulanda a hinca
den wega e pitcher Arubano Cal Maduro pa asina termina e inning cu niun careda pa
Nicaragua. Den inning 8 Nicaragua ta anota, pero coach Bruin ta haci cambio di pitcher y
ta pone Arij Fransen pa asina bay cu e victoria.
Darryl Collins a habri e marcado cu un homerun den e prome inning riba e picheo di
Walter Solis poniendo Hulanda ariba 2-0 pushando un careda di e hungado Tyriq Kemp.
Cu e victoria aki Hulanda tin chens pa bay den e Super Round, pero Hulanda ta wardando
riba nan wega contra China y Australia pa sa con nan ta para. E miho 3 teamnan di cada
poule lo pasa p’e Super Round. Hulanda ta den poule A cu e teamnan Korea, Australia,
Canada, Nicaragua y China.
