Page 5 - DESPA DEC 20

Hopi ta pensa cu ta bruela,

pero ta un virus diferente ‘’

Malesa di Boca , pia y man’’

cu tin dos tipo

Published on December 20, 2016 in Salud/SPLASH
ORANJESTAD, Aruba

Actualmente Departamento di Salubridad Publico DESPA ta consciente riba un malesa infantil
nobo cu ta andando bao di nos muchanan. Hopi ta pensa cu ta e malesa di bruela pero e realidad
ta cu e malesa aki yama ‘’ Malesa di Boca , pia y man’’ Esaki ta un malesa cu ta causa pa un
virus cu yama koksaki . E virus aki tin dos grupo uno ta e Koksaki virus A 16 y e otro ta
enterovirus 71. Esaki ta un malesa infantil cu tur mucha por haya esaki sin ningun tipo di
complicacion. E virus aki ta afecta mas tanto e muchanan bao di 5 aña di edad. Segun Dokter
Salazar e virus aki ta cuminsa cu keintura, marca di curpa, rash cu blaar cu awa.

Importante ta cu ta consciente cu e tipo di malesa aki ta afecta boca,man y pia y no ta manera
bruela cu ta afecta ful e curpa. E diferencia entre e dos virus nan aki ta cu e enterovirus 71 ta bin
for di e islanan Asiatico y e virus aki si ta causa complicacion. Pesey mes Dokter Salazar ta kere
cu DESPA mester tin un bista amplio di e cantidad di muchanan cu ta afecta cu e
virus enterovirus 71 den nos comunidad, mirando cu e virus aki si ta duna un complicacion di
celebro y cu por ta grave y hasta fatal. Sinembargo bo ta haya e virus aki mas den e parti
Asiatico, pero den e islanan Ariba manera Merca y Europa ta circulando Koksaki virus A 16 cu
no ta neurologico, pero cu nos mester vigila e malesa hopi di cerca.

E fastioso di e virus ta cu e mucha ta haya hopi blaar den boca y cu e mucha ta keda sin come y
ta sinti hopi dolor door di e ulsura den boca y e mucha lo por deshidrata , pesey ta importante pa