Page 6 - DESPA DEC 20
P. 6
duna e mucha hopi likido pa bebe. Pa e virus Koksaki virus A 16 no tin un tratamento specifico
pero ta conseha pa e mucha sosega su curpa,bebe hopi likido , busca remedi pa baha keintura y
mantene e mucha na cas. Loke cu sigur na scol mester tene cuenta cu ne ta cu e malesa di
‘’ Boca , pia y man’’ ta hopi contagioso. Den e paisnan tropical manera Aruba y den nos region
e virus aki ta bin tur aña. E virus aki ta keda transmiti na momento cu ta papia , nister , canta y of
obhetonan cu e persona cu tin e virus mishi cu ne, na momento cu otro persona bay mishi cu
obheto e por keda infecta. Dokter Salazar ta kere ta hopi importante pa dokternan di cas manda e
notificacionnan aki na DESPA pa asina por monitor e casonan cu tin na Aruba durante e añanan.
E yamada ta keda na tur dokter di cas na momento cu nan ta detecta tipo di malesanan sea ta di
mucha of di hende grandi pa notifica cu DESPA pa asina tin un bista di kico ta pasando y con e
malesa riba su mes ta desaroya riba Aruba.
