Page 19 - JUS

http://www.24ora.com/index.php?option=com_content&view=article&id=118606:conseho-di-robert-
kock-di-motorbrigade-no-core-pa-polis&catid=6:policial&Itemid=8

Tin chauffeur conciente cu ta zorg pa otro chauffeur ora nan
sa cu nan ta bay bebe

Friday, 10 February 2017 20:22
Comparti

Robert Kock encarga cu Polisnan Motoriza a splica cu si e chauffeur ta cooperativo ora Polis pare, e por
bay cas e mesun anochi despues di un ora mas of menos.
Esaki despues di duna un declaracion. E tin derecho tambe riba un abogado, e tin derecho na contesta. E
contestanan pa polis, si e bisa cu e no kier contesta, no ta un diferencia grandi, pasobra e ta haya su
process verbaal. E preguntanan ta enfoca riba coremento di influencia di alcohol. Por ehempel fiscal kier
sa si el a come, cual por influencia su conducta riba caminda. Cuanto el a bebe pa tin un idea kico el a
pasa aden. Pero si tin por ehempel un pregunta si bisa cu a haya un discusion na cas, a bebe y a core
auto, no ta interesa polis.

Diasabra tabata tin un caso asina, caminda cu tabata tin un dama basta burachi. A par’e, el a supla hopi
halto, 880 ug/l. Ora di detencion el a splica cu el a haya problema cu su casa. Esaki no ta relevante pa
polis. E resultado di e suplamento pa polis ta importante. No bay bebe ora bo ta emocionalmente den
problema y despues core auto.

Si e para duro cu e kier un abogado, y no por localisa uno e ora ey, e ta keda deteni te e dia siguiente pa e
declaracion. E test ta bay door, e voorleiding ta bay door, pero no por tuma un declaracion di dje. E
mester firma un papel caminda cu e ta distancia di un abogado y e proceso ta sigui, e ora ta bira legal pa
polis, pa tuma un declaracion di dje.

Tin posibilidad cu e persona ta hopi burachi cu no por compronde kico e ta papia, e ta keda cera pa e dia
siguiente tuma un declaracion. Despues di esaki, e subfiscal ta dicidi si e bay cas, cual hopi biaha ta asina.

Interpretacion di buracheria
Kock a splica con nan control ta bay tin biaha. Ta cuminsa para 5 auto. Ta controla esakinan.
Logicamente durante di e control, un pa dos por pasa. Despues di e 5 nan, ta para otro cinco y den e
paramentonan ey mes ta wak claramente cu e rijgedrag con e ta dibanda, cuanto e ta core of tiki poco
poco dimas. Semper ora un hende ta burachi, e rijgedrag ta cambia. Esey tambe ta un bon bista cu por
wak esaki, aunke ta anochi. E control ta bay random. Por para un hende pa mala suerte y pa suerte