Page 20 - JUS

tambe. Si para y no a ocasiona ningun accidente, bo ta haya un process verbaal basta pica, pero tey ey e
ta yega. Pero si dal e auto, e problema ta bira mas grandi. Tanto den straf di placa como e
consecuencianan.

Con por handle e situacion
Papia malo papia bon, hopi di e casonan cu a para auto, por mira e alcosensor, hopi di nan a supla cero,
pero e persona na banda tabata hopi cansa. Nan ta declara esey tambe. Nan ta hari polis. A resalta esaki
cerca polis y esey ta bon. Kibramento di record den detencion di hende no ta asina. E meta ta pa trafico
sigur. Esey a resalta diasabra cu un cantidad basta grandi cu na banda y patras tabata basta burachi y e
chauffeur ta sober. Esey kiermen toch e mensahe a yega cu nan ta bira un tiki conciente cu ora bebe,
busca un lift of laga un hende cu no ta bebe hibabo y trecebo. Loke tin cu bisa si, diasabra, ora di bay
ariba, tabata controla e autonan cu tabata bay ariba, papiando di mas of menos 8’or pa 8’or y mey, ya a
detene hende caba, bayendo ariba, bao di influencia di alcohol. Esey ta grave. Ora di bay un actividad cu
ta dura, ora di bay abao, ta peligroso. E persona en particular aki tabata su so den auto. Ta importante cu
prome cu e actividad, ta controla. Ta controla tambe durante e actividad y despues di e actividad, segun
Kock.
http://www.24ora.com/index.php?option=com_content&view=article&id=118604:tin-chauffeur-
conciente-cu-ta-zorg-pa-otro-chauffeur-ora-nan-sa-cu-nan-ta-bay-bebe&catid=6:policial&Itemid=8

Robert Kock di Motor Brigade: 11 chauffeur a wordo deteni y

rijbewijs kita fin di weekend pasa

Friday, 10 February 2017 20:19
Comparti

E fin di siman cu a pasa a sigui di cerca di e unidad motorisa na entre otro Pos Chikito, etc. Motorbrigade
ta hopi presente durante actividadnan di carnaval.
Robert Kock ta encabesa e motorbrigade di Cuerpo Policial, a splica cu diasabra a tuma control basta
intensivo na altura di Rotonde di Pos Chikito. A kies e spot aki pasobra esey ta mescos cu un bottleneck
pasobra si bay ariba, tin cu pasa caminda patras etc., y ora bin abao mester pasa eynan. Ta enfoca riba
alcohol y tabata un exito. A detene 11 chauffeur cu tabata bao di influencia di alcohol cu a supla mas di
220 obviamente, pero mas di 500 tambe. Esey kiermen, di e 11 nan cu a detene, 10 a keda cu e rijbewijs.
Un so a logra haya su rijbewijs bek e mesun anochi, pero cu un rijverbod riba dje, cual ta di 8 ora. Esey
kiermen pa 8 ora e no tabata por a core auto te cu e dia siguiente. Tur e restante a supla riba 570,
consecuentemente a keda cu nan rijbewijs y nan tin cu bay wak con ta bay hay’e. Ta duda cu ta bay hay’e.
E straf ta basta pisa, tin di 6 luna y hasta mas mes, depende cantidad di e resultado. E diasabra tabata
hopi efectivo pa e brigada. Den e 11 ey, un di nan tabata tin un prohibicion di rijbewijs caba, cual ta algun
siman pasa. A detene y nan a keda cu su rijbewijs. E chauffeur su rijbewijs ta na ministerio publico,
wardando riba un decision wak ki dia e lo haya su rijbewijs bek. Toch el a pifia di core auto bao di
influencia di alcohol. Si e no tabata burachi mes, e ta cometiendo un delito, pasobra e no tin rijbewijs. E
ta un misdreif. Una bes cu a trek in e rijbewijs, ta mescos cu no tin’e. E ta wordo considera cu no tin