Page 27 - JUS

http://www.24ora.com/index.php?option=com_content&view=article&id=118596:ilegal-deteni-den-
auto-sospechoso-na-sero-blanco&catid=1:local&Itemid=5

Atraco arma riba persona den parkinglot di RBC Sasaki
bayendo pa deposita placa

Friday, 10 February 2017 18:29
Comparti

Diabierna mainta a sosode un atraco arma riba un trahador di Romar Trading. El a bay deposita placa na
RBC Sasaki y a bin di sorpresa y horta e placa bay cune. Esnan cu a comete e acto ta papia spaño.

Polisnan a mobiliza mesora. E persona tabata tin casi 50 mil florin cash den e tas y tambe tabata tin riba
100 mil florin na cheque. Segun e buskeda tabata andando pa patruyanan uniforma, e team di atraco a
presenta na e banco pa atende cu e persona cu a bira victima. Polisnan a cuminsa un buskeda mesora y a
topa cu e auto cu supuestamente a huy cu e atracadornan. E auto tabata para den un hanchi di
Belgiestraat. Tambe a drenta informacion di un Tercel color cora scur of color malo cu lo a wordo horta
na Savaneta mas den marduga. Pa casualidad un unidad di recherche a mira e auto aki para den un area
poco scondi. E tabata den area di un compleho di apartamento den Schotlandstraat. A bay mira e auto y
ta topa tambe un RAV4 cu tambe tabata tin glas kibra. A haci investigacion eynan y confisca ambos auto.
Tambe e auto haya den hanchi di Belgiestraat a haci investigacion riba dje y hibe warda pasobra esaki lo
ta e auto usa den e huida di e atracadornan cu a bay cu e placa di Romar.