Page 31 - JUS

Lacle: Ora cu polis haya señal di

belasting, lo cuminsa controla number

Posted on 02/10/2017 6:48 pm AST | Updated on 02/10/2017 10:00 pm AST

ORANJESTAD - Ultimo dia pa paga number di auto ta dia 15 di
februari proximo. E pregunta ta ki dia e ora polis mes ta cuminsa

controla riba caya si tur hende a cumpli cu e pago. "Nos ta warda
un señal di belasting kantoor, y manera nos haya e señal aki nos
ta cuminsa controla e prome cuartal" vocero di polis Lito Lacle a
bisa NoticiaCla.com. Normalmente polis ta cuminsa controla 2

siman despues cu e prome fecha vence, cu tabata semper 1 di
maart, aunke cu pa ley, e posibilidad t'ey cu un dia despues di e
fecha di vencimento caba polis por cuminsa controla. A mustra cu

segun e ley nobo, e ultimo dia tabata 31 di januari. "Dus zoiezo
tur cos despues di 31 di januari bo por boet. Pero normalmente
conforme e cultura cu tin, nos ta warda e señal di departamento
di belasting. Nos ta publica esaki tambe prome" Lacle a bisa

finalmente.

http://www.noticiacla.com/news/8692