Page 4 - WEB

Casnan cu tubo riba tera ta sinti awa frieu e dianan aki

Publication: Thursday, 19 January 2017. Categoria: General
Asja Dongen di WEB Aruba NV:

ORANJESTAD(AAN): Den e dianan aki un di e comentarionan
tabata e awa friu cu tin den e ultimo simannan. Segun Asja Dongen, vocero di WEB a splica cu nan tambe tin friu. Ta
asina cu en berdad tur hende ta sinti e diferencia den temperatura, pero no cu a echt ripara cu tin hopi pregunta of
algo asina. No a haya mas yamada si, segun Dongen.
Riba rednan social e ta on y ta wak tambe cu hendenan ta informa unda tin waterheater na benta, etc. pero locual cu
por bisa cu no ta asina cu WEB ta adapta temperatura di e awa na e temperatura cu tin. Esey no ta e caso. Door di
esey hendenan na cas sigur ta sinti tambe cu e awa ta mas friu cu normal. Locual cu si por bisa ta cu hendenan cu
tin tuberia na nan cas, riba tera, ta sinti’e mas tanto. Door cu e oranan ey ta mas adapta na e temperatura cu tin den
e aire. Esey eigenlijk por bisa, segun Dongen. Esnan cu tin tuberia na cas bao di tera, tin menos molester di dje
compara cu e otronan.
Proceso di awa
Dongen a splica cu e awa no ta worde procesa cayente. Esey tabata antes. Prome cu tabata tin e sistema di SVRO. E
tempo ey tabata traha cu temperatura. Pero awor aki cu sistema di SVRO, e awa ta yega na su temperatura di lama
y e ta keda asina. Door di tur e proceso, no ta asina cu ta haci’e mas cayente of mas friu. Bo ta wak awor aki e
diferencia den temperatura di awa ta puramente cambio den temperatura di aire.
E ta algo cu den e proceso regular den e tanki y via e pompnan e ta bay na tur cas. Pesey hopi biaha ora cu awa
core un tiki, hendenan ta bisa cu si lage core e temperatura ta cambia. Kisas esey tambe ta e caso, segun Dongen.
Si kier lanta for di soño lihe, por uza e awa friu. Cada ken ta haci’e na su smaak, el a finalisa.