Page 26 - AM190709

26 AWEMainta Diamars, 9 juli 2019

Un fin di siman sin orcan den domino

MATCH day 6 di Campeonato Balas-
hi di Domino, no a trece e orcan cu X-

treme DT a priminti. Al contrario, den e

clash pa prome lugar Noord Stars “Pizza
Hut” DT a dal X-treme DT duro 14-11.

Noord Stars “Pizza Hut” DT a demostra
cu domino ta wordo hunga riba mesa y

no cu boca.

Robert Tromp a sa di gana tur su we-

ganan pa Noord Stars “Pizza Hut” DT
y asina habri e caminda pa mantene e

prome lugar riba e tabla di posicion.

Wega number 2 di diabierna Gold Stone
Dewars DT relativamente facil a pasa

riba Sport Boys DT cu e score 15 pa 10.

Cu esaki Gold Stone Dewars DT ta sigui
su marcha riba e tabla di pocision y ta

yega X-treme DT hopi cerca.

Den e weganan di diadomingo Old Parr

DT di chiripa a gana Trappers DT cu e
score di 13 pa 12. Trappers DT a sinti

nan mes horta dor di e refereenan y pa-

labra basta duro a cay, te hasta kier a
protesta e wega.

Pero na final domino ta wordo gana riba

mesa y t’eynan cu Old Parr DT a tene

cabez frieu y gana nan weganan tran-
quilo den tanda 5.

Wega number 2 tambe a caba 13-12. Aki

Ottley’s Strikers DT den e ultimo tanda
a pone Eagles DT un banda. Sigur sigur

un diadomingo cu hopi presion y ten-

sion den e fin di siman cu a pasa.

E proximo wega nan lo ta dianan 12 y14
di juli na Sport Boys Club cu e siguien-

te confrontacion nan: Trappers DT vs

Sport Boys DT; Noord Stars “Pizza Hut”
DT vs Gold Stone Dewars DT; Old Parr

DT vs Eagles DT y Ottley’s Strikers DT
vs X-treme DT.