Page 4 - HOH_Neat

12 AWEMainta Diamars, 14 Augustus 2018

DSP ta keda busca formanan inovativo pa

combati malesanan transmiti pa sangura.

SIMAN pasa Gele Koorts en Muskieten
Bestrijding (GKMB) di Departamento di Salud
Publico a haya bishita di Ms. Camille White
kende ta un Integrated Vector Management
Consultant di CARPHA.
CARPHA actualmente ta ehecutando un
projecto financia pa European Union (EU) pa
duna asistencia na paisnan den Caribe cu kier
mehora nan capacidad di maneho, control y
prevencion di malesanan transmiti pa sangura.
Desde 2013 seccion GKMB ta den un proceso
pa mehora nan conocemento y abilidadnan
entomologico pa por cumpli cu desaroyonan
local y desaroyonan internacional pa cu futuro.
Durante su bishita Ms. Camille White a evalua
y duna recomendacion pa set up di un facilidad
entomologico. E facilidad aki ta pa GKMB por
cuminsa ehecuta un sistema di monitoreo riba
populacion di sangura na Aruba. Esaki ta un
maneho nobo cu GKMB lo mester cuminsa aplica
pa por cumpli cu exigencianan internacional di
IHR. Ta necesario pa por domina e tareanan di
monitoreo aki pa asina por aplica technicanan
inovativo riba e tereno di control di malesanan
transmiti pa sangura.
Ms. Camille White a duna guia y training na
inspectornan di GKMB riba diferente technica
cu nan lo mester domina pa por colecta specimen
y clasifica e diferente sanguranan. Tambe si ta
necesario lo por pidi asistencia entomologico na
CARPHA.
Ms. Camile a duna diferente recomendacion
pa cu Standard Operating Procedures, un
projectonan piloto pa digitalisacion di data y
plannan di maneho riba e tereno di control di
vector.