Page 60 - MIN VOS
P. 60
Authentic Peruvian Food and More lo haci donacion mensual
pa yuda den e lucha contra cancer
Sunday, 22 January 2017 12:03
Comparti
Recientemente a tuma lugar e apertura oficial di Authentic Peruvian Food and More unda cu ademas di presenta nan
platonan suculento na e publico di Aruba, e doñonan a haci un donacion na Koningin Wilhelmina Fonds Aruba. Den
combersacion cu e presidente di Koningin Wilhelmina Fonds Aruba sra Lilly Prins, el a bisa di ta aprecia e gesto aki
tremendamente.
Famia Van Nes a trece dilanti cu tur luna Authentic Peruvian Food & More lo haci un donacion na Koningin
Wilhelmina Fonds pa asina nan tambe aporta den e lucha contra cancer y unda cu ta enfatisa e importancia di
prevencion por medio di educacion y informacion di nos comunidad. Lilly Prins a bisa cu actonan asina ta demostra
cu Koningin Wilhelmina Fonds tin un puesto unda cu comunidad y comercio ta reconoce y aprecia e trabao cu nan ta
bin ta desplegando den transcurso di añanan.
Sra. Prins di Koningin Wilhelmina Fonds ta haci un yamado na comunidad pa nan bin haci un bishita na e
restaurant, unda cu comunidad por ta sigur, cu un parti di e benta di artesania Peruano lo bay den forma di donacion
pa e fondo di KWF Aruba for di cual ta yuda pashentnan di cancer y nan famianan.
