Page 62 - MIN VOS

Dangui Oduber (MEP): Nos lucha contra engaño y
manipulacion!

Sunday, 22 January 2017 13:02
Comparti

Pueblo di Aruba puntra bo mes si en berdad bo situacion financiero a bira mihor e ultimo 7 anja nan.
Puntra bo mes un rato bo salario a bira mas, puntra bo mes un rato si costo di bida a baha y poder di
compra e mehora. Puntra bo mes un rato si BBO a bira menos, si awa y coriente a bira mas barata, si
gasoline ta mas barata. Puntra bo mes si en berdad bo siguridad na cas i riba caya a bay dilanti. Puntra
bo mes si e educashon di bo juinan a mehora.

Puntra bo mes si bo salud of servicio di salubridad a mehora.
"En la lucha" ta e contesta mas hopi cu mi ta hanja durante mi bishitanan na cas den diferente bario. Mi
ta bisa na cada un di boso cu ami ta decidido pa drecha e situashon pa cada un di boso. E pais aki mester
di gobernantenan cu un moralidad halto, cu un integridad halto y di e gobierno aki di AVP sigur nos no
por a wak esaki. Pa 7 anja nos a wordo enganja y manipula pa un gobierno cu ta kere e por sigui ganja y
manipula pueblo. Ningun hende a progresa e ultimo 7 anjanan aki. Bida no a bira mas facil na Aruba sino
mas dificil.
Mi ta convenci cu e amor, pasion, dedicashon i persistencia nos lo perservera i laga nos pais bolbe bek na
su gloria. Awe nos tur ta struggle, cu excepshon di un grupito di coordinadornan, famia amigonan i
sponsornan di e gobierno actual di AVP. E ser humano a ser lubida, esnan mas vulnerable a ser lubida y
esnan rond di Mike Eman y AVP ta e uniconan cu a conoce prosperidad. Ningun cas social a wordo
construi, no tawata atencion pa nos hobenan, a neglisha ensejanza y tambe deporte.
Cu placa por cumpra i hasie hopi, pero cu un pueblo decidido por hasie mucho mas. Mester duna pueblo
locual ta di pueblo. Parlamento mester bira un parlamento cu por i ta controla debidamente, no mas
"stempel parlament"! Malgastamento di placa cu a nos i nos juinan i nan juinan mester bay paga bek
mester bira historia! Pueblo mester di alivio, Belasting mester baha, poder di compra mester subi. No un
Aruba green, pero un Aruba SANO!! Nos medio ambiente ta importante pa nos tur i ami ta e prome cu lo
bay den defensa di esaki, pero si e tin cu bay a costo di nos digno pueblo mi lo para i lucha pa pueblo
prome.

Mi ta sumamente agradecido pa e sosten cu mi ta hanjando ultimo tempo i mi kier bisa boso tur cu ami
nunca i hamas lo defrauda e confiansa duna. Nunca i hamas lo mi ganja pueblo di Aruba! Mi unico
compromiso ta pa tur hende tin un futuro briyante caminda prosperidad ta wordo sinti tur caminda y no
serca esnan yega na e gobernante so. E gobierno mester bira un gobierno di pueblo, cu pueblo y pa
pueblo!
Attachments area