Page 66 - MIN VOS

Landamento sincronisa cu competencia riba Dia di Betico

Sunday, 22 January 2017 15:24
Comparti

Diasabra 28 di Januari, atletanan den e deporte di landamento sicnronisa lo tene nan competencia di figuras esaki
en conexion cu e celebracion riba Dia di Betico. E competencia di figuras lo ta pa tur age group mientras e seleccion
lo duna presentacion di algun di nan rutinanan entrena. E competencia lo inicia pa 9or di mainta den Pool Olimpico
Roly Bisslik na Savaneta.

Mester bisa cu e deporte di landamento sincronisa ta trahando riba talentonan nobo den nan deporte y ya caba por a
wak e bon fruto di e trabou eherce. Den 2016, e seleccion di landamento sincronisa a competi den e CCCAN
Synchronized Swimming Championships na Panama caminda unda nan a logra varios medaya mientras cu e atleta
Kyra Hoevertsz ta logra medaya di Oro den e competencia individual y duet cu Abigail de Veer.

Un danki sigur na Lotto, e Loteria di Aruba pa medio di Comision di Subsidio cu a subsidia e eventonan deportivo
enconexion cu e celebracion riba Dia di Betico. Tur aña mayoria federacion tin riba nan calendario un evento
deportivo riba 25 di januari, celebrando asina e fecha natal di e gran estadistica Arubano.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa
organisa loteria, cambia bida di su hungadonan y na mes momento inverti den deporte local pa medio di
donacionnan na e Comision di Subsidio.