Page 15 - bon-dia-aruba-20190209

A15
HENDE Diasabra 9 Februari 2019

Aruba Lions Club a celebra su 71 Charter Night y 220 aña di servicio

ORANJESTAD - Recientemente den un esfera festivo
na Surfside Marina, Aruba Lions Club a celebra su di
71 aña di a ricibi su charter for di Lions Club Interna-
ciol na aña 1948.

Tabata un honor grandi pa Aruba Lions Club di por a sirbi e
comunidad di Aruba pa tanto aña, pa medio di por ehempel
su proyectonan di Smile Mobile, cama di hospital, rolstoel y
ta sigur cu e apoyo di comunidad y di su miembronan, cu e lo
por sigui haci esaki pa hopi aña mas.

Tambe durante e anochi a honra diferente miembronan Leon
kende nan a ser reconoci pa Lions Club Internacional pa nan
aña nan di servicio. E 9 miembronan aki, na un forma bolun-
tario hunto ta sirbiendo nos comunidad pa 220 aña caba y ai-
nda tin di nan cu ta activo. Esunnan cu a ricibi nan chevron pa
10 aña ta Lion Herve Ruiz y Lion Francis Leo. Esunnan cu a
sirbi 20 aña ta Lion Marlon Croes y Lion Randall Croes. Pa 30
aña di servicio ta Lion Carlos Maduro, Lion Jacintho Tromp,
Lion Satish Daryanani y Lion Frank Croes kende tabata Past
Distric Governor. Pa cera e tremendo hazaña aki nos tin Lion
Marco “Maiky” Croes kende a cumpli 40 aña di servicio. Un
pabien y un danki grandi pa nan servicio.

Lions Club Internacional tambe ta honra Lion nan cu ta spon-
sor un persona pa bira miembro permanente di Club. Den e
caso aki ta honra Lion Maximiliano “Bibi” Arends cu e Cen-
tenial Membership Award. E persona cu Lion Bibi a sponsor
ta Lion Ricky Vijsma kende ya tin casi 2 aña den club.

E animacion pa e anochi aki a keda den man di Eddy Toppen-
berg y Lion Randolf a fungi como e maestro di ceremonia.
Aruba Lions Club ta gradici tur persona kende a yuda haci di
e anochi aki un exito.