Page 38 - Djarason 22 ougustus 2018.pdf
P. 38
38 Djarason 22 Ougùstùs 2018
Na Ulanda
Hopi fugitivo di lei ta kobrando “uitkering”
WILLEMSTAD. - For di
un investigashon realisá
na Ulanda a sali na kla ku
tin hopi persona kondená
na kastigu di prizòn i ku no
ta será, tur luna ta kobra
“uitkering”. Esaki ta un
problema ku e gobièrnu
ulandes tin ta dil kuné pa
basta tempu, pero no por sali
afó ainda. Gobièrnu ulandes
no ta logrando un forma
kon pa stòp e “uitkering”
nan pa hendenan kondená i
pa kolmo ta fugitivo. E loke
ku ta kompliká e situashon
di gobièrnu ta e echo ku, pa
stòp un “uitkering” e proseso
ta dura algun luna i na di
dos lugá, hopi biaha ta un
desishon di korte pa sigui
paga e kondenado “uitkering”
Hopi akusado ta pidi hues
pa obligá gobièrnu sigui paga
nan i hopi biaha esaki ta keda
honrá. Na mayoria okashon e
veredikto ta bai mas leu, asta
ora ku gobièrnu den e poko
kasonan ku a keda sin paga
“uitkering”, hues ta ordená
paga e lunanan ku no a keda
pagá. Huesnan ta haña e echo
ku un prezu no ta sintando su
kastigu ainda, no ta motibu
pa stòp su “uitkering”.
Pa hues, mester ta probá
ku e kondenado ta hui pa
e no bai será. Si no haña
un kondenado na kas un
biaha, no ta hasi ku mester
stòp su “uitkering”. Pues
un problema ku mester di
solushon na Ulanda.
