Page 19 - HOH
P. 19
16 AWEMainta Diasabra, 20 juli 2019
Dak a pega candela na Hospital, causando
cu mester a evacua dos kamber na piso 1
DIAHUEBS atardi Hospital a bati alarma
momento cu n’e prome piso banda panort a
cuminsa sali of drenta huma, indicando cu tin
candela.
Esaki a causa cu mesora a avisa 911, cu a saca
dos unidad di Brandweer pa Hospital. Den
prome instante tabatin un confusion basta
grandi, dor cu a bay Hospital bieu, esta esun
den Caya Ing Roland H. Laclè.
E bruhamento tabata cu a bisa tin candela na
Hospital bieu, pero loke nan tabata kiermen
ta, cu tin candela n’e parti bieu di Hospital Dr
Horacio E. Oduber, o sea e parti dilanti cu nan
ta considera bieu.
Despues cu a haya sa e localidad exacto por a
mira tanto Brandweer y Polis bayendo direc-
cion Ponton bek cu velocidad halto.
Esaki a costanan minuutnan valioso pa a yega
unda si tabatin candela. Danki Dios cu no ta-
bata algo grandi manera un uitslaande brand,
sino esaki por a bira devastador.
Na yegada mesora Bomberonan a wordo mus-
tra unda e candela tabata. Segun nos a compro-
nde durante trabounan di renobacion y usando
cierto tecnica pa isola dak n’e parti full panort
di piso 1 algo a bay robes. Pues den e dak esaki
a cende un candela.
E candela of huma a cuminsa drenta den 2 kam-
ber di piso 1 parti panort. Mesora personal di
Hospital a evacua e area completo. Pesey por a
mira n’e entrada di Hospital pashentnan sinta
cu mask na cara.
Bomberonan hunto cu contratista tabata con-
trola e area pa ta sigur cu no tin candela mas.
E kambernan tur bentana a wordo habri p’asina
biento saca e holor y huma cu por tabatin.
No sa si Hospital lo hinca e pashentnan bek dia-
huebs den e kambernan.
Niun persona a resulta herida
