Page 11 - ATA

Den cuadro di e ariba menciona, APA a tuma e decision cu no por trece cambio grandi
den e infrastructura actual. Solamente ta haci e cambionan pa por ricibi barconan mas
grandi. Por ehempel, el a bisa, si antes por a pone 3 pa 4 barco di 3 mil pasahero, si
awo pone 2 barco di 5 mil ya caba tin 10 mil pasahero. Y si pone tres barco di 4 mil, e
ta bira 12 mil pasahero, cual lo trece un congestion pisa. Ta riba aspectonan aki mester
bin deliberacion entre tur partidonan den e sector pa yega na un consensus riba loke lo
por permiti maximalmente riba un solo dia.

Den 2016, el a bisa cu a enfoca hunto cu ATA, riba bishitanan na conferencianan y na
oficina di lineanan crucero, pa cual APA ta hopi satisfecho. “Trahando hunto, a duna su
exito pa loke ta 2016. Si mira loke ta premira pa 2017, esaki lo ta un exito total cu un
record di bishitante, riba 700 mil pasahero.” Tromp a indica. El a agrega cu e cifra
menciona por ta un tiki menos si bin cancelacion na ultimo ora pero otro banda e por
hasta surpasa e pronostico menciona. E cifranan ta basa riba reservacionnan cu e
lineanan crucero a haci caba caba via agencianan.

Tambe por nota cu awendia no por papia di “low season” sino “slow season” den
mundo crucero. Esaki pasobra den tur luna tin mas cu 10 barco ta bishitando e isla.

Apesar cu Aruba ta popular bou di turismo crucero, Tromp y APA ta di opinion cu den
forma continuo mester analisa e desaroyo y hopi importante keda enfoca riba e gusto
di turistanan crucero. “Ta importante como pais, analisa bo posicion y unda cu lo kier
yega den e proximo 2 pa 3 aña. A base di esaki ta pone un vision y traha den e
direccion aki,” Director Financiero di APA a duna di conoce.