Page 13 - ATA

nos lo sigi experiencia caida den turistanan for di Venezuela cu den comienso di aňa
2016 ainda tabata bin den gran abundancia pa swipe dollar.

Tourism Receipt 2016 y 2017: Pa locual ta e plaka cu touristanan ta laga atras pa 2016
esaki initialmente a wordo pronostika na un caida di 3.2%, door di e diferente
maneranan – aki na Aruba pero tambe na Venezuela – cu a bin cu medidanan pa frena
e Venezolanonan cu tabata bin Aruba pa swipe dollar so. E trend den e caida di 3.2%
aki nos por wak e den e prome kwartaal di 2016 cu un caida di 1%, den e di 2 quartal
un caida di 0.1%, pero a mira un cresemento den e di 3 kwartaal di 1% cu a trese e
Tourim Receipt te cu september 2016 na un caida di solamente 0.03%, esta un
cresemento flat, dunando un bon perpectiva te cu final di aňa 2016.

Ocupacion di hotelnan pa 2016 y 2017: Pa locual ta e ocupacion di hotelnan pa aňa
2106 nos por wak cu esaki estima pa ta finalmente na 79.7%, esta un cresemento di
1.7% compara cu aňa 2015. Pa aňa 2017 ta pronostika cu esaki lo sigi crese te na
81.6%, esta un cresemento di 1.9% for di aňa 2016.

Revenue per Avialable Room (RevPar) pa 2016 y 2017: Pa locual ta e rendimiendo di
un kamber ta ser calcula cu esaki lo sera aňa 2016 na US 179.59 (-3.3% compara cu
2015) y ta ser pronostika cu esaki lo ser aňa 2017 na US$ 187.96 (+4.4). E RevPar na
di mas halto nos ta haya nan na e hotel nan mas chikitonan na nos beachnan cu un
suma di US$ 285.71.

Cruise Arrival 2016 y 2017: Pa aňa 2016 nos a haya alrededor di 649.886 pasaheronan
cu a jega den un barco crusero, cual ta 7% mas cu aňa 2015. Cu e barconan extra cu
ya a anuncia nan mes pa aňa 2017 ta ser calcula cu nos lo ricibi alrededor di 746.910
pasaheronan crusero, cual ta 15% mas cu aňa 2016 y 8% mas cu e record di aňa di
2013 cual ta 688.472.

Tur esaki a ser logra danki na:

 e bon maneho di Gabinete Mike Eman 1 y 2 en general;
 ATA pa nan maneho pro-activo y profesional den nan bashi nobo;
 AHATA caminda cu nan miembronan a inverti den e ultimo aňanan ariba US$ 100
miljon den na propiedadnan mehorando esakinan y den nan hendenan cu mester duna
e servicio profesional nan nos bishitantenan;
 y muy special e pueblo di Aruba pa su gran cordialidad.

Aruba ta un pais cu sa con pa trata nos turistanan, caminda cu turista ta “Everybody’s
Business”, Parlamentario Chris Dammers a declara.