Page 41 - SJA

Fraccion di MEP a reuni cu Camara di Comercio: Un
vision economico pa crea cupo di trabou, bienestar y
progreso pa tur.

Tuesday, 07 March 2017 22:03
Comparti

Lider di partido MEP Evelyn Wever-Croes, hunto cu coleganan parlamentario Ady Thijsen y Chris
Romero a reuni cu Camara di Comercio diamars ultimo.
"Nos partido ta trahando riba nos programa di partido, y den e cuadro aki nos kier papia cu tur stake
holders pa por tin un mihor bista di e realidad na Aruba.
Pa por fiha un vision economico, ta importante pa sa kiko ta e preocupacionnan di Camara di
Comercio riba e desaroyo economico actual y den futuro. Y riba esey nos reunion cu Camara di
Comercio di awe a bai. Nos a toca mas tema tambe, entre otro e refineria Cirgo, Caya Betico Croes y
Aruparking y desaroyonan economico nobo pa Aruba.
Pa e miembronan di Camara di Comercio e 'cost of doing business' halto di Aruba ta un problema, y
tambe e burocracia den departamentonan na momento di lanta companianan.
Ami tin comprencion pa e preocupacionnan aki, mi mes a experiencia esakinan tempo cu mi tabata
traha den abogacia. Tur e puntonan aki nos mester trese solucion liher pa nan, y nan lo wordo inclui
den nos programa di gobernacion. Asina nos por yega na un desaroyo economico real: cu ta crea
cupo di empleo, y cu ta trese bienestar y progreso pa tur. Esey ta nos compromiso", lider di MEP
Evelyn Wever-Croes a duna di conose.