Page 26 - MIN VOS

18
Competencia nacional di BMX 2016
riba pista di Streetwise na San Nicolas
Semi final 35+ na Nacional Alto Vista
Invitacion p’awe despues di “El Clasico”
riba veld di Nacional na Alto Vista tin semi-
final di competencia di Fedeveta 35+
PA tardi pa 5:30 lo start un revancha amistoso entre Bubali y Teach-
ers. Despues pa 7:00 lo start e prome semifinal entre Dakota Starzz y
Estrella Veterano.
Dakota despues di un salida slap ta lanta for soño y ta caba na di
2do lugar.
Estrella a sali brabo tabata invicto, pero den ultimo a perde par di wega
y ta caba na di 3er lugar. Esaki ta mesun semi-final di aña pasa, pero
cu un Estrella mas brabo y sigur lo bira un wega hopi emocionante
pa ambos banda.
E otro semi-final lo start 8:30 entre Nacional y Inter. Nacional a caba
e campeonato na 1er lugar y invicto y a mustra for di cuminsamento
solido den su futbol.
Inter, campeon aña pasa, a conoce su momentonan zwak, pero na
ultimo momento ta gana su weganan y ta clasifica na di 4ter lugar.
Nacional lo ta organisador di e semi-final y final di nos 35+ y a
promete cu lo tin hopi lugar di parkeer y un dushi ambiente cu bar y
cushina bon surti.
FEDEVETA ta invita tur amante di bon futbol bin goza di nos dushi
futbol di calidad. Jega Jega awor tin cos.
AWEMainta Diasabra, 3 December 2016
E fin di siman aki, Federacion di Ciclismo, seccion BMX lo tin
e careda mas grandi di 2016 unda nan lo tene e campeonato
nacional di bike cross, e dianan 3 y 4 di december riba e pista
di bike cross di Streetwise na San Nicolas.
Den prome instante esaki mester a bay Jaburibari, pero debi
na daño un bes mas causa p’e awasero n’e pista di Jaburibari
a cambia esaki pa Streetwise.
Awe diasabra lo tin un entrenamento habri di 3or – 6or di
atardi, mientras riba diadomingo lo tin e competencia mes cu
lo inicia for di 10or di mainta te cu 5or di atardi.
Mester bisa cu lo por competi den varios categoria manera
Strider 2 – 4 aña, Open class 11 – 14 aña, Pro Open 15+, Girls
10, Girls 11 – 15, Girls 16+, Boys 5 – 6, Boys 7 – 8, Boys 9
– 10, Boys 11 – 12, Boys 13 – 14, Boys 15 – 16 y Boys 17+.
Den e ultimo añanan nos atletanan di BMX a competi den
varios evento grandi den exterior logrando resultadonan posi-
tivo p’e deporte y pa Aruba.
Nos coredonan elite como tambe esnan mas hoben por wordo
considera como esnan mihor den nos continente y cu por
competi contra e mihornan di mundo.
Un di e eventonan sigur cu a acapara e atencion den 2016 t’e
competencia p’e mas chikitonan, esta Strider caminda hopi
mayor a dicidi di cumpra un bicicleta pa nan yiu(nan).
Un danki sigur na Lotto, cu pa medio di Comision di Sub-
sidio cu a yuda subsidia e campeonato nacional di BMX na
Streetwise na San Nicolas.