Page 31 - MIN VOS

AWEMainta Diasabra, 3 December 2016 35

Aruba Dolphins cu tremendo presentacion na Sto. Domingo

DIARAZON dia 23 di november 2016 un delegacion consisitiendo
di 28 landador di e equipo di natacion Aruba Dolphins a sali pa Sto.
Domingo, Republica Dominicana pa participa den e di XXXIV Torneo
Internacional di Natacion organisa pa Delfines del NACO.
E landadornan di Aruba Dolphins a bataya fuerte contra e mas cu 500
landador di 43 equipo representando 10 diferente pais di Caribe y
Estados Unidos den e Piscina di Complejo Acuatico Centro Olimpico
Juan Pablo Duarte.
E landadornan di Aruba Dolphins a duna un tremendo bataya y ta logra
no menos cu 32 medaya individual di cual 11 di oro, 10 di plata y 11
di brons y ta logra tambe varios puesto di honor.
Den categoria femenino 11-12 aña Amy Pichardo ta logra tercer puesto
den ‘High Point Trophy’ cu 41 punto.
Den categoria femenino 13-14 aña Elisabeth Timmer ta logra di dos
puesto den ‘High Point Trophy’ cu 56 punto.
Den categoria femenino 15-17 aña Flory Kock ta logra prome puesto
den ‘High Point Trophy’ cu 76 punto.

Na final di e campeonato Aruba Dolphins ta logra di tres puesto den e
standing di equiponan cu 437.5 punto.
Na di dos lugar a termina e equipo Delfines del Naco cu 651.5 y e equipo
Marlins de Arroyo Hondo a termina na prome lugar cu 724 punto.

Esnan cu a kibra un Meet Record ta: Elisabeth Timmer den 50m Free
cu ta un record cu ta data di aña 2003. E record tabata 27.96 y awor
ta 27.67.
Flory Kock den 100m Free ta kibra e meet record cu ta data di aña 2013
cu tabata 59.76 y awor ta 59.50.
Directiva di Aruba Dolphins Swimming & Waterpolo Club kier a felicita
e seleccion cu e presentacion aki y tambe kier a gradici un y tur cu a
yuda haci e biahe aki posibel.Pa mas info riba resultadonan y di e team
bishita www.arubadolphins.com.