Page 38 - AVP

“Cada Un Di E Candidatonan Di AVP Ta Prometedor

Pa Carga Y Sirbi E Partido, Carga Y Sirbi E Pais Aki”

Segun Mike Eman

 Politica
- 03/09/2019

“Encuentro Boluntario” den Renaissance Convention Center por a conta cu un audiencia
grandi. Sala yen y un tremendo ambiente.
Lider di partido AVP, Mike Eman, kende a haci aña diadomingo, por ta satisfecho cu e
acogida grandi di partido. El a cera e mainta aki cu un discurso cu manera ta custumber
tabata impresionante.
Cu palabranan bon escogi el a lanta e animo mas ainda y el a hinca den tur presente e
gana pa sala y cuminsa campaña. El a recorda cu un aña pasa partido tabata den e mesun
sala ey den momentonan transcendental pa partido.

“E tempo ey tabatin riba mesa e exigencia di parti di e sala pa mi acepta pa sigui cu
liderazgo di partido. Despues di resultado di eleccion di 2017 mi a comparti cu boso e
sentimento cu ta e momento pa prepara pa liderazgo nobo.
Boso a convencemi pa sigui lidera partido AVP, pero e trabou di forma lidernan nobo tey
ainda. Boso por mira riba e escenario aki e lidernan nobo di partido. Cada un di nan
prometedor p’e pais aki y cu e curazon n’e lugar corecto pa carga y sirbi e partido y carga
y sirbi nos pais”, Eman a bisa na un publico entusiasma.

Mike Eman a splica di ta na altura cu no ta facil pa como hoben drenta arena politico.
Como ehempel el a duna e atakenan baho cu Richard Arends a experiencia e ultimo
simannan.
“Ora bo ta para pa un causa noble, ora bo curazon ta brota di stimacion pa bo pais, ora tur