Page 39 - AVP

cos den bo curpa ta bisa bo cu ta Aruba bo tin cu sirbi, no tin mentira, engaño ni falsedad
cu por kibra e curashi di un hoben manera Richard Arends pa carga y guia e pais aki.”

Mike Eman a gradici tur e boluntarionan cu ta yuda den organisacion di partido AVP. E
dirigentenan di bario cu tey pa sirbi e pais aki. Tambe Mike Eman a reconoce presencia
di su ruman Henny Eman, e prome Prome Minister di Aruba.
“Henny a para riba un escenario manera esaki y a bisa cu e ta bay redobla pensioen di nos
grandinan y el a cumpli. Ora Status Aparte tabata wordo desvia den direccion di
Independencia el a lanta para y bisa cu locual e pueblo di Aruba kier ta Status Aparte y
ningun momento bay den direccion di un aventura. Danki na su postura y di Mito Croes y
Watty Vos cu awe nos tin Status Aparte di Aruba.”

Mike Eman tabatin palabranan di elogio p’e tremendo discurso di ex Prome Minister di
Antiyas sra. Maria Liberia-Peters.
“Ora e papia bo ta sinti liderazgo di curazon. Liderazgo di compromiso pa mehora e
calidad di bida di tur hende. Algun luna pasa mi tabatin e honor di tabata hunto cu Maria
Liberia na Costa Rica den un conferencia di ODCA. Mi por bisa boso cu locual boso tur a
sinti awe na momento cu Maria tabata papia y tabata transmiti e profundidad di su
compromiso, su vision el a inspira e hende muher, pero na mes momento tur ciudadano
cu mester di un bos cu no tin un bos.
Cu mester di un protector ora e no tin esaki. Na Costa Rica mi por a sinti cu ora Maria
tabata papia e tabata inspira tur hende den e sala y ta pesey awe e t’e personahe cu ta guia
y lidera sentimentonan profundo. Pa AVP e ta un honor ora bo por bisa cu un personahe
asina ta bo amiga.”