Page 57 - AVP

E mandatario a splica tocante un concepto cu e ta introduciendo den ley, cu ta yama
“Tratamento Obligatorio Ambulante”.

Minister Bikker a referi na e detencion di e dos fugitivonan cu a huy for di KIA, cu tin un

infrastructura hopi decai. E dignatario a cuminza pa gradici henter KPA y specialmente
e team cu a traha incansablemente pa por a logra detene e dos personanan concerni.

E mandatario a splica kico a wordo haci den e caso aki, specificamente den e ultimo

simannan a pone un team di DOW cu a yuda aplica e plan di emergencia cu a traha riba
dje pa loke ta trata e infrastructura na KIA, y a ripara cu tin un plan cu ta den
ehecucion pa basta tempo, pero solamente tin un contratista cu ta trahando eyden.
Gobierno, pa acelera esaki a bin cu dos team di DOW cu a traha casi 24 ora den fin di

siman, incansablemente y locual tabata tin planea pa siman y lunanan a keda ehecuta
den apenas dos pa tres siman.

Na di dos lugar a instala luz rond di henter e compleho y aworaki e ta full ilumina.

Tambe a instala un sistema di camara sofistica di KPA, cu por wak di cerca y di hopi leu
tambe.

E dignatario a indica cu tambe a pone patruyanan adicional di KPA y CEA y a revisa e

structura di trabao interno, pa atende cu e falta di personal. Tambe e siman aki ta
cuminza cu un klas opleiding pa bewaker nobo pa KIA, conhuntamente cu
Departamento di Recurso Humano (DRH) y gobierno tin presupuesto ubica pa esaki.

E minister a duna di conoce cu nan a reemplaza e prikkeldraad cu tin añanan poni na
KIA, y a pidi tambe ayudo di Marina Real dos siman pasa, y Diabierna el a ricibi e
noticia cu nan ta bay pone mil meter di prikkeldraad militar, pa asina dificulta huida.

E dignatario a indica cu den e mesun contexto aworaki tin un team di militar
conhuntamente cu personal di KIA, cu ta bezig ta instala e prikkeldraad militar y
specializa aki.

Minister Bikker a agrega cu nan a cuminza tambe cu un “request for expression of
interest” y pa fin di e luna aki ta spera di haya propuestanan pa e sistema pa e
prisioneronan haya un uncle banchi pa autoridad sa unda nan ta tur momento (24/7), y
si na dado momento nan ta programa pa ta den nan cel di tal pa cual ora, y diripiente