Page 60 - AVP

Manera mi colega Robert Candelaria semper ta bisa: ‘Mi ta invita mi oponentenan join
mi n’e nivel halto cual politica cu ta na bienestar di nos pais mester ta.

E metanan pa cual nos ta drenta pa sirbi e causa comun sea ta hopi ambisioso, idealista,
of simplemente pa mehora e calida di bida di un persona of famia, semper ta cuminsa cu
un prome stap. Un yamada, un oido y atencion.

Parlamentario Richard Arends a ilustra esaki cu varios ehempel unda cu el a splica cu e
admiracion pa nos naturalesa ta comienso pa cuida nos medio ambiente , nos lama y e
bida maritimo p’asina conserva nan pa futuro generacionnan.

Nos cu ta para aki y tabatin e dicha di a cumpli cu un ambicion of meta grandi, sa cu
esaki no a bay sin mas.

Nos ta pasa den contratiempo, nos ta pasa den friccion y den dolornan di cabes, pero
esaki a haci nos fuerte y determina pa logra nos soño, sea si esaki ta un estudio, scirbi un
buki, haya un trabou, ta excelente den deporte, of bira un artista famoso.

Partido AVP ta inculca esaki den nos hobennan, sea cu nan ta forma parti di ekipo di
boluntarionan, activistanan of ta den e diferente organisacionnan di nos partido. Desde su
nacemento partido AVP a haci esaki, e prome partido cu a cuminsa cu un ala hubenil
(HAC), cu institutonan manera Fundacion Digna Lacle-Herrera pa formacion politico y
Fundacion FESCA cu awor ta Fundacion Mito Croes pa estudionan cientifico y awor cu
PHP cu ta maneha Tienda di Ley,”

Y pakico AVP?, e contesta ta simpel: Pasobra e ta un partido inspirativo, un partido cu ta
yuda hobennan logra nan soñonan, un partido basa riba e principionan Social-Cristian cu
t’e fundeshi di nos sociedad.

Formando parti di un partido cu mi ta kere den su principionan fundamental, un vision cu
mi ta sinti mi mes parti di dje y cu un e sentido di responsabilidad grandi nos ta sigui
inspira y motiva nos miembro, sostenedor, activista y boluntarionan.

Apesar di tur contratiempo: Ban sigui t’e ehempel pa otronan, pa tur cu ta biba riba e isla
chikito y bunita aki; ban sigui inspira otro cu nos ideanan inovativo y asina logra un
mihor Aruba y un mihor mañan,” Richard Arends a informa tur presente.