Page 63 - AVP

Un Cuerpo di Polis mester di claridad ken t’e capitan na stuur. Sinembargo ta conoci den
pueblo caba cu e Minister aki a priminti hopi cos tempo di campaña manera e.o. cu e lo
bin cu 200 Polis nobo, pero awor ta bin c’un klas di apenas 14 adspirant! Esaki ta un
drupel riba un plachi cayente caminda tambe el a priminti cu lo bin bek c’un concepto
existente di ‘barioregisseurs.’

Loke nos por a mira di esaki ta cu a verf un post di Polis existente algun luna atras, pa
corta e sinta ora esaki a keda cla y algun dia pasa por a mira den medionan di
comunicacion cu e post a keda para bashi y bandona sin cu ningun Polis traha eynan.

A splica Minister Bikker e tempo ey cu ‘barioregie’ no ta algo simpel y mester scoge y
educa e Polisnan cu hopi cautela p’e trabou aki.

Mester ekipa nan p’e funcion y nan guia tambe ta importante, pero te dia di awe nada a
wordo haci pa cumpli cu e promesa aki di Minister Bikker.

Minister a priminti mas cos manera maneho pa auto cu por core nan so, cu te dia di awe
no ta cla pa nos kico e relevancia di esaki ta, mirando e retonan grandi di falta di maneho
cu nos tin nos dilanti y cu mester atencion prome c’un auto sin chauffeur.

“E Minister a priminti cu lo bin c’un Fastferry cu tampoco no ta cla pa nos ta pakico
Minister Bikker ta papia riba esaki y no su colega di transporte.

Pero sea ken sea papia riba dje, te ainda ta parce cu e proyecto aki no kier mira lus di dia,
siendo cu den husticia tin hopi cos cu mester di atencion urgente di Minister Bikker,”
asina Parlamentario Candelaria a señala.

E miembro di fraccion di AVP a sigui mustra cu asina tambe a priminti un maneho di
heling, alarma pa tur cas, accion contra high impact crimes, skol pa educa
wetgevingsjuristen, Ley di Cybersecurity (cu lo a pone cu e Minister aki ta prome cu
biento manera e mes a bisa) y asina por sigui menciona.

“Awor mi no ta bisa cu su trabou ta facil, pero si pa tanto aña el a critica su predecesor y
a exigi p’e baha, pero awor e unico cos cu e por tin pa show cune ta di su predecesor
manera e Veiligheidshuis, etc etc, y e ta laga bo pensa si cu algo no ta klop.