Page 16 - AM181117
P. 16

16                                                            AWEMainta                                        Diasabra, 17 November 2018




          Parke Lisette na Parkietenbos ta oficialmente


                 habri tur dia pa publico di 7pm te cu 9pm



                                           E Parke di Luz nobo di Serlimar Sui Generis






      DIABIERNA dia 2 di November, Parke Lisette, na Parki-
      etenbos a keda inaugura pa Directeur nobo di Serlimar Sui
      Generis. Un parke completamente nobo cu e meta principal
      pa haci un cambio na e entrada di Parkietenbos pa laga esaki
      mustra mas alegre y pa brinda nos comunidad un otro expe-
      riencia na e sitio. Parke Lisette ta habri pa publico tur dia di
      7pm te cu 9pm di anochi.
      E idea pa bin cu un parke a wordo planifica y ehecuta door
      di empleadonan di Parkietenbos, pa cual nan a cuminsa den
      luna di augustus di e aña aki. E idea di un parke simpel a crese
      y bira un proyecto sumamente special caminda tur mata y
      material cu bo por mira den e parke a wordo escogi of traha
      na man cu material reciclabel. E Piedra nan ta di Sero Ti-
      jshi, e mata nan ta di nos mondinan di Aruba, e santo ta di
      nos playa nan, e boto a wordo completamente recicla, e stoel,
      mesa y brug tur a wordo wordo traha di palonan recicla cu
      inicialmente a wordo tira afo na Parkietenbos.
      Pa e temporada dushi di fin dia aña empleadonan di Parki-
      etenbos a decora e parke completo cu luznan di pasco pa asi-
      na ilumina e parke y tambe trece e ambiente di fin di aña mas
      cerca na Parkietenbos. E bunita ta cu e luznan cu ta ilumina e
      parke completo, mayoria a wordo ta donacion di nos comuni-
      dad humilde. Serlimar S G ta sumamente orguyoso di Parke
      Lisette y e echo ta cu e proyecto aki ta carga y ta ilustra nos
      meta principal pa; reduci cantidad di desperdicio cu ta bay
      ariba Parkietenbos, re-uza mas material re-uzabel y tambe re-
      cicla mas material  cu por wordo recicla.  Pa haci esaki mas
      special, lo bay tin un box special pa recauda fondo, caminda
      pueblo di Aruba por haci un donacion ora di bishita e parke.
      E fondo recauda lo wordo entrega den na otro fundacion pa
      yuda esnan den necesidad.
      Serlimar kier a duna danki na tur esnan cu a yuda y aporta
      na e idea aki y cu a haci esaki un realidad cu por a inaugura
      nos Parke Lisette oficial pa publico, pa asina nan por bin y
      disfruta di e ambiente di fin di aña. Un danki special ta bay
      pa Lisette Wever, Rene Rasmijn, Georxinia Croes y tur e otro
      empleadonan di Parkietenbos cu a traha duro pa haci e parke
      un realidad.
   11   12   13   14   15   16   17   18   19   20   21