Page 7 - KPA

ATRACO ARMA ARIBA JOY SUPERMARKET,

CRIMINALIDAD NA ARUBA TA FOR DI

CONTROL

May 30, 2017 Admin Uncategorized Leave a comment

Criminalidad, percepción of realidad ?

Polisnan observando imagennan di e atraco, capta door di e camaranan
di seguridad

Edisonstraat – Dialuna anochi un biaha mas nos isla di Aruba ta bira victima di
un atraco arma ariba un supermercado, alabes mustrando con insigur e isla ta.
Criminalidad ta halto y esaki ta keda demostra cada bes mas y mas.

Tres atracador arma a drenta Joy Supermarket, causando un panico enorme bou
di esnan cu tawata eyden e momento ey. Ariba e imagennan di video por a wak
con e atracadornan tawata bastante violento, ora cu doñonan mas cu claro a
reacciona ariba e atracadornan, caminda esakinan no a spera. Den e tension y
ansha di ambos banda, un dama chines ta ricibi un golpi na su cabes.

Señora Rasmijn vocero suplente di cuerpo policial a duna e siguiente relato :

“Dialuna anochi pa 9:45 central di polis ta haya jamada cu un atraco
a caba di tuma lugar na Joy Supermarket den Eddisonstraat . Polis ta
jega na e sitio na unda e donjo ta declara cu 3 hende homber a
drenta cu un arma di candela y a atraca nan . Dos di nan tabata tin
cara tapa y petchi bisti y e otro tabata tin un zonnebril bisti cu
petchi. Nan a papia papiamento y spanjo. Nan a bai cu mas o menos
afl 1000,-. Y nan a sali bai na pia direcion abao. Diferente unidadnan
a cuminsa cu un buskeda pero te cu awor no a topa cunan. Atraco
team a presenta hunto cu Polis Technico y slachtofferhulp.
Ken cu por a wak algo of da algo jama tiplijn di polis 11141”.

Sea alerto semper y cualkier movecion straño, no pensa dos biaha pero yama
polis.