Page 17 - bon-dia-aruba-20181217

A17
HENDE Dialuna 17 December 2018

‘Sketch di caya’ (anno 1860) na ‘Festival Di Dickens’

ORANJESTAD - Gustave
Nouel, e pintor di Aruba,
cu ta biba na Deventer
( w w w. g u s t a v e n o u e l .
com), hunto cu algun di
su miho alumnonan/ co-
leganan artista, a purba
haci hende contento cu
‘sketch di caya intempo-
ral’ (portret), como ini-
ciativa nobo den e festival
di Dickens, 15 y 16 di de-
cember, na Deventer.

Nan a haci esaki como in-
vitadonan special di VVV
(oficina di turismo), disfrasa
como artistanan di caya, na
1860, tempo di Dickens.

Por mira arte di e artista hopi
activo Gustave Nouel, na e
exposicion colectivo ‘Pakje
Kunst’ di mas di 20 artista
profesional regional, den ‘Sa-
lon Praam’ na Deventer.

Actualmente, e pintor Aru-
biano conoci tambe ta partic-
ipando na Delft den galeria
‘Kunst aan de Kade’ na un ex-
posicion itinerante di algun
di e artistanan mas famoso di
parti di nos Reino Hulandes
den Caribe, manera Ronald
Richardson y Tess Verheij di
Sint Maarten, Bikkel artist di
Corsou, Melvin Anderson y
Gustave Nouel di Aruba.

Na februari 2019, e exposi-
cion itinerante aki por ser
admira den galeria Arto-
MonDo den Nieuwstraat
20 na Deventer. Sr. Nouel
tambe ta ofreciendo tayer di
‘streetsketching’ (portret) pa
artista local riba diasabra 22
di december y 5 di januari,
na galeria ArtoMonDo.

Januari 22 y 23 proximo, e sr.
Nouel lo cuminsa un curso
nobo di ‘streetsketching’ pa
tur nivel, na Centro Cultural
di Deventer, Kunstcircuit
(www.kunstcircuit.nl).

Inspira pa e celebracion di
1250 aña di Deventer na
2018, sr. Nouel, hunto cu un
agencia di publicidad (www.
eenreklameburo.nl), a crea
un kalender di cumpleaños
intemporal cu su serie di
pintura inspira pa edificionan
historico di Deventer, como
homenahe na Deventer.
Na ‘Koning Willem’, libreria
‘Bruna’ y e.o. na Oficina di
Turismo (VVV) e kalender
aki ainda ta obtenibel.

E kalender aki y e pinturanan
di GN, por ser mira den e ‘ex-
posicion di winter’ modesto,
di galeria ArtoMondo.