Page 12 - bon-dia-aruba-20181217

a12 riba caya
Dialuna 17 December 2018

Señora a haya ataca y

fayece na pia di trabou

ORANJESTAD - Diabierna ultimo, den careda di 3or
di atardi, unidad di ambulance a keda despacha cu ur-
gencia pa un compania di car rental na Sabana Blanco,
unda un señora a sak den otro y no ta reaccionando.

Di biaha unidad di ambulance y OVD a presenta. Na e sitio e
personal a constata cu e señora trahando na e luga a haya un
ataca di curason, cual a causa cu e persona a fayece. A notifica
polis presenta na e sitio y hasta dokter. Pero tabata un morto
natural y dokter a constata morto.

Homber a drumi dilanti

porta di hende

ORANJESTAD - Diabierna mainta, un señora a capta
un homber drumi den porta di su cas na Caya Frere
Alexius.

E habitante di cas no a confia e asunto y yama polis. Patruya
di Oranjestad a presenta di biaha y topa cu e homber na ca-
minda, y a bay atende cune.

Picanto a dal basta duro den un Lincoln

ORANJESTAD - Diabierna merdia, na e rotonde chiki-
to na Bubali a sosode un accidente, unda dos auto a dal
den otro.

Roadservice y polis di trafico tabata presente. A constata cu e
Kia Picanto a subi e rotonde dal basta duro den un Lincoln. E
Lincoln su wiel patras a keda kibra, unda takelwagen mester a
lanta e vehiculo.