Page 45 - ARUBA BANK

Di tur partido politico a debati specificamente riba e hecho cu CFT lo ta duna cierto

informacionnan den diferente medionan di comunicacion y parlamento lo kier haya mas

splicacion riba esaki di minister di finansas.

Minister di finansas a splica parlamento riba cifranan realisa, cu por cierto diaranson mes

parlamento a ricibi e documento tambe.

E deficit ta te hasta mas abao pa loke ta 2018, compara cu locual a palabra den entre otro
e plan financiero economico.

E rumbo ta bayendo bon, segun e parlamentario. Pa loke ta 2019 ta bayendo mesun cos.

Loke cu parlamento ta haya ta importante ta e aspectonan constitucional di e ley di

supervision financiero.

A entrega dos mocion cu a conta cu aprobacion. E prome ta pa mas lihe posibel gobierno

duna parlamento e concepto di ley nobo pa loke ta supervision financiero, mirando e

hecho cu un protocol entre paisnan no por mina autonomia di parlamento, segun nos

constitucion.

Na mes momento tambe mirando e hecho cu ta wak cu CFT awor aki ta procede na un

manera cu ta anti constitucional tambe.

Tjon a menciona cu na e momento cu lo bay trata LAFT, cual ta dentro di poco, minister
di finansas a bisa cu e ta premira cu lo ta pa Maart, sigur sigur parlamento lo asumi su

responsabilidad pa asina recupera autonomia di e pais aki bek.

Gobierno tambe, di su banda, fuera di e aspectonan di maneho cu e ta hibando pa drecha

e situacion financiero publico di pais Aruba.