Page 17 - Awemainta

AWEMainta Diahuebs, 2 Februari 2017 17

Prome Minister Eman presente PROME Minister Mike Eman siman pasa a biaha pa

na instalacion di Presidente Corsou unda el a presencia instalacion di sra.mr. E.A.
Saleh como Presidente di Corte Comun di Husticia.
nobo di Hof mr. Eunice Saleh N’e ocasion aki tambe tabata presente Gobernadornan di
Sint Maarten, Corsou y Aruba. Tambe Vice Presidente di
Raad van State mr. J.H. Donner y mr. Silvis, Procurador
General di Hoge Raad der Nederlanden; Dennis Bryon,
Presidente di Corte di Husticia di Caribe.

N’e mesa berde durante e ceremonia, tabatin represent-
ante di tur e partinan di Reino Hulandes den Caribe y cu
a conta cu presencia di Presidente y Hueznan di Corte
di Husticia di Caribe.
E ceremonia cu tabatin un duracion di un ora a cuminsa
cu e “reclamacion” di PG pa despues Griffier a lesa e
Decreto Real pa e nombramento.
Di e forma aki mr. Saleh a wordo instala como e di 24
Presidente di Hof, unda cu el a cuminsa traha desde
prome di januari, 2017.

“Su nombramento t’e final di un proceso logico di suce-
sion pa Hof. Durante mi instalacion mi a bisa cu cada
funcionario for di e momento cu e wordo apunta, mester
cuminsa traha riba su re-emplaso.
Esaki ta garantisa continuidad den e organisacion y ta
costa menos esfuerso pa ora e momento di re-emplaso
yega,” van der Poel, Presidente saliente di Hof, a expresa
den su discurso.
El a sigui bisa “cu esaki den mente mi a pasa mi conoce-
mento y experencia como Presidente pa pone un fundeshi
fuerte pa futuro y sigura realisacion di e sucesion.
Mi ta considera cu mi mision ta cumpli. Mr. Saleh no ta
un nobato ora cu ta trata di maneho,” mr. van der Poel
a bisa.

Corte Comun di Husticia of Hof ta valido pa Aruba
tambe. El a repasa e posicionnan cu sra. Saleh a ocupa,
manera p.e. for di 2010 e tabata miembro di Hof y pa
hopi aña tabata reemplasante di e Presidente.
E tabata para na inicio di e base di creacion di e organ-
isacion y a pasa den tur e fasenan di cambio na Hof.
Pesey e ta haya cu e t’e persona mihor prepara, mas ai-
nda pasobra sra. mr. Saleh mes a expresa cu e ta cla p’e
posicion y e tin e gana pa haci e trabou.

Despues di a finalisa su estudio di abogacia na Hulanda,
el a traha for di 1991 te cu 1996 como abogado na Am-
sterdam y na Corsou, pa despues cuminsa su estudio di
RAIO. For di 1999 e ta miembro di Hof y desde 2009
Vice Presidente pa Cortenan na Corsou y Bonaire.
Na final mr. van der Poel a expresa cu Hof tin hopi
confiansa den sra. mr. Saleh y ta contento cu e tabata
dispuesto pa asumi e posicion di Presidente.

Prome cu su instalacion mr. Saleh a bishita Prome Min-
ister Mike Eman na Aruba unda a combersa riba loke ta
pensamento di e Presidente nobo p’e instituto cu e ta
representa desde prome di januari ultimo.
Na final di e ceremonia Prome Minister Eman a probecha
pa un bes mas felicita mr. Saleh y expresa cu e por conta
cu cooperacion di Aruba.