Page 32 - Awemainta
P. 32
32 AWEMainta Diahuebs, 2 Februari 2017
Diasabra 11 di februari proximo COMISION Grot di Lourdes conhunta-
Celebracion di La Birgen di Lourdes mente cu Pastoornan di Parokia kier invita
henter e pueblo di Aruba pa e gran celebracion
di La Birgen di Lourdes diasabra 11 di februari,
2017 na Grot di Lourdes, San Nicolas pa 8’or
di mainta.
Alaves ta informa cu entrante diahuebs 2 di
februari lo cuminsa cu un nobena tur atardi pa
5:30 na Grot di Lourdes unda grandi y chikito
ta bon bini, solamente diadomingo dia 5 di
februari esaki lo cuminsando pa 5’or.
Mundialmente lo celebra e fiesta di La Birgen
di Lourdes riba 11 di februari y aki na Aruba
tambe esaki lo no ta un excepcion pa cual ta
invita henter e pueblo di Aruba pa uni hunto
den e paz y serenidad cu bo ta sinti solamente
memey di e barancanan na Grot di Lourdes pa
e gran celebracion aki.
Lo cuminsa pa 7’or di mainta cu un procesion
saliendo for di Misa Santa Teresita y lo pasa
den Weg Seroe Preto pa despues bay termina
na Grot di Lourdes unda lo tuma luga un misa
pa 8’or di mainta unda e koor di muchanan di
Divino Niño tambe lo bay ta presente.
Hesus a bisa, unda mas cu un persona ta resa
na mi nomber eynan mi lo ta presente memey
di nan, pues ban uni hunto den oracion diasa-
bra 11 di november na Grot di Lourdes, San
Nicolas.
Djiespie’s a haya su Prins
y Pancho di Carnaval
Diabierna awor lo tin eleccion di su Reina y un sorpresa
DIABIERNA ultimo, n’e Happy Hour di tur diabierne na Djiespie’s,
a tuma lugar eleccion di su Prins y Pancho, cu a keda den persona di
Prins Djies Wiri, Victor Arnest Werleman y su Pancho Pies Cuchara,
Rudy Dorcas.
Tur esaki tabata na encargo di e comision organisador, consistiendo
di Mireya Lacle, Daphne Arends, Corry Oduber y Stella Toppenberg.
Pa diabierne awor, lo tin eleccion di Reina di Djiespie’s, cu manera ta
pinta lo bira un competencia fuerte, pa sa kende ta bira susesor di sra.
Mena Tromp.
Y no lubida riba e sorpresa cu lo tin e anochi aki, net despues di elec-
cion. Wak pa bo tey, y no laga hende contabo.
