Page 87 - AHATA

Tur poder cu a wordo duna pa medio di gobernacion na tur cu tin un puesto di poder,
tin relacion directo cu e contenido di Constitucionnan di Reino y di Aruba y cu Statuut
cu ta regla e relacion entre e paisnan.

Di acuerdo cu nos leynan basico, Secretario di Estado Raymond Knops ta yuda dicidi
riba loke mester ta e bienestar di Aruba. Ta den e cuadro aki Gobierno di Reino den
cual tur pais di Reino tin asiento, ta dicidi riba loke mester ta bienestar di ciudadanonan
di Reino, cu ta personanan cu un pasaporte Hulandes.

Manera DIARIO a pronostica, dia 20 di September a bira un dia di politica partidista na
Aruba pa dos rason.

Dia 20 di September ta hopi cerca di dia 22 di September cu tabata marca mita
caminda entre eleccion nobo y eleccion anterior. Den campo politico, e tempo pa haya
voto ta bira mas preta.

Na Aruba por a mira claramente con durante e lunanan di Augustus y September
politica partidista tabata manifesta su mes causando turbulencia pisa na Aruba.

Na Hulanda no ta facil pa politiconan Hulandes cu mester atende cu e islanan den

Caribe cu ta pasa den tempo sumamente malo.

Aunke gusta of laga e origen di problema di Aruba ta keda e debe nacional a base di e
maneho cu a wordo hiba y e desastre cu e proyecto Citgo a laga atras. Ningun hende

por desmenti e realidad aki sin cay den mentira.

Ta masha facil pa cay den problema pero pa bandona un problema di e magnitud di
loke a presenta su mes na Aruba, no ta facil.

Hulanda tabata consciente. Na varios ocasion DIARIO cu ta hopi bon na haltura di loke
ta Hulanda, a adverti a e pensamento di e ciudadano Hulandes cu a mira e show di
welga di hamber, ta consciente di e debe grandi cu Aruba a crea pero tambe di e

desastre di Citgo pa cual Parlamento Hulandes a adverti.