Page 88 - AHATA

Esaki ta nifica cu Secretario di Estado Raymond Knops tambe mester tene cuenta cu
pensamento Senado y Parlamento Hulandes pero tambe di e votadonan Hulandes cu ta
na haltura cu ta nan placa di belasting tambe lo ta den wega cu asistencia financiero.

E parti aki a bini claramente dilanti den documentonan relaciona cu e advertencianan
contra Citgo den Parlamento Hulandes y documentonan cu ta proba cu Aruba ta
practicamente bancarota door di e debe nacional.

Na e momentonan aki no ta motibo politico mester sirbi ni gobierno di Reino ni
Gobierno di Aruba of oposicion di Aruba den Parlamento.

Actualmente e ciudadano Hulandes na Aruba ta central segun nos constitucionnan y

Statuut. Pues Secretario di Estado Raymond Knops mester papia.

Caft no por dicidi. Gobierno di Reino ta dicidi riba aanwijzing. Secretario di Estado
Knops mester cuminsa pa splica si ta berdad cu Aruba ta mara na 18 di October pa no

haya aanwijzing.

E mester tene cuenta cu e presion di e gobierno actual cu mester atende loke el a
hereda pero cu un presion extra cu e partido cu a crea e debe ta crea cu accion politico.

Palabra ta na Raymond Knops pa bisa Aruba si el a papia di un fecha cu no ta existi of
si Ministro Presidente Wever-Croes sea no conoce e parti di acuerdo aki of a duna Aruba
informacion robes.

E prome palabra pues mester bini di Raymond Knops pa Aruba por sigui cana sigur den
Parlamento, cu no ta un simpel organo pero representacion directo di pueblo di Aruba.

https://www.diario.aw/2019/09/kico-a-pasa-cu-e-fecha-di-secretario-di-estado-knops/