Page 9 - MIN ON_Neat

Hipólito “Eddy” Ras Forsa Nobo: A Base Di Desaroyo

Di Añanan Escolar Un MAVO/ HAVO / VWO Na

Noord Ta Un Necesidad

 Local

 Politica
- 07/05/2017

A base di añanan escolar di ’93-’94 te cu ’13-’14, e demanda pa un reguliere MAVO /
HAVO na Noord a bin ta crece. Bou di reguliere MAVO / HAVO ta wordo comprendi
dagschool (scol di den dia). E demanda a bin ta crece como cu e cantidad di alumnonan
di region Noord / Tanki Leendert cu ta sigui nan estudio na un reguliere MAVO of
HAVO / VWO a bin ta aumenta.
E aumento di cantidad di alumnonan di region Noord / Tanki Leendert cu a bin ta
aumenta ta wordo señala den e raportnan di enseñansa di Directie Onderwijs.

Pa medio di e raportnan por a acumula e informacion cu ta bin dilanti, segun Eddy Ras.

MAVO

20 pa 24 aña pasa tabatin entre 2000 pa 2200 alumno cu tabata acudi na un MAVO aki na
Aruba. 260 pa 350 di e alumnonan cu tabata acudi na un MAVO 20 pa 24 aña pasa,
tabata alumnonan procedente di regio Noord / Tanki Leendert. E cantidad di alumnonan
procedente di region Noord / Tanki Leendert tabata representa un porcentahe entre 13 pa
16 % di e cantidad di e alumnonan cu tabata acudi na un MAVO.

E averahe actual di e cantidad di alumno cu ta acudi na un MAVO scol ta entre 3250 pa
3350 alumno. Den e ultimo añanan escolar tin entre 600 pa 700 alumno di region Noord /
Tanki Leendert cu ta acudi na un MAVO. Esaki ta presenta un porcentahe entre 20 pa 22
% di Aruba su alumnonan cu ta bay un MAVO, Ras ta splica.

HAVO / VWO