Page 37 - HOH
P. 37
Ibisa tin un campaña yama #Sabonumbernan cu a cuminsa for di dia 14 di Mei ultimo cu
screening of midimento di presion na diferente localidad. Iraida Thijsen, hefe di e seccion
di salud na Ibisa, a splica cu e siman aki y otro siman, ta bay sigui cu nan campaña.
Kico ta e big deal midi bo presion awo Ta bay enfoca e biaha aki riba e publico. Ta bay
diferente localidad caminda cu e publico en general por bay check nan presion. Den e
conferencia di prensa anterior a enfoca riba kico ta presion halto y su consecuencianan.
E biaha aki kier enfoca riba esunnan cu tin’e caba. Ibisa ta bay ta disponibel pa publico
por nada. E ta costabo menos di 5 minuut, pa haya sa bo numbernan, cu ta numbernan
sumamente importante pa bo salud. Bo ta welcome pa bin y haya sa kico ta bo presion.
Bo no mester bin cu ningun AZV, bo no mester bin cu nada. Djis bin pa bo check bo
numbernan. Fechanan cu lo bay ta activo ta lo siguiente: Dia 29 di Mei, esta diaranson,
nan lo bay ta na Superfood, di 9’or di mainta pa 3’or di atardi. E siguiente siman dialuna,
dia 3 di Juni, nan lo ta na San Nicolas, na Hulpsbestuurskantoor.
Dia 4 di Juni nan lo ta na MFA na Savaneta. Dia 5 di Juni nan lo ta na MFA Santa Cruz,
dia 6 di Juni nan lo ta na MFA Paradera y dia 7 di Juni nan lo ta na MFA Noord. Dia 8 di
Juni nan lo ta na na Arub Health Fair di AZV. Esey ta bay ta e culminacion di e campaña.
Un y tur ta bon bini.’ E actividad ta bay ta di 4’or di atardi te cu 10’or di anochi. Riba e
dia ey, tur esnan cu a participa den e simannan anterior y e siman cu ta bin, ta bay den
tombola pa gana diferente premio di salud. Thijsen ta sigur cu tin un mashin di check
presion y uno di sucu pa rifa entre tur esnan cu a participa. Participacion ta gratis y ta
invita henter pueblo pa haci uzo di e oportunidad aki pa check su salud.
https://24ora.com/ibisa-publico-ta-invita-pa-bin-haya-sa-su-numbernan-na-diferente-localidad/
