Page 54 - HOH

ORANJESTAD (AAN): Ley ta prescribi kico AZV ta cubri. Esey ta predefini caba, segun
Solange Tchong, vocero di e institucion.

El a agrega cu esey no ta kita afo cu un pashent por tin un deseo y kizas hasta di un

tratamento cu no ta cay bao di AZV.

Nan a experencia esaki den prensa tambe. Tin casonan den pasado unda personanan a
haci un apelacion pa tratamentonan cu aworaki ta den fase experimental na otro

paisnan. Ley ta bisa hopi cla cu e tipo di tratamento aki AZV no por duna pasobra AZV
tin cu cubri loke ta standard den loke ta e tratamentonan cu e specialistanan ta duna.

Tchong a indica cu esey ta haci tambe cu un pashent por tin un derecho ariba AZV pero

e ora tin cu bay wak kico ta e derecho cu e tin segun e ley stipula y di otro banda tin
tambe e situacion di e pashentnan cu tin cierto deseo pero pa tratamentonan cu no ta
wordo cubri pa AZV y no ta den e pakete.

Esaki ta un aclaracion bon pa haci ya cu asina comunidad por compronde kico ta e
situacion. Tin casonan unda AZV mester a nenga pashentnan pasobra nan a haci
peticion pa tratamentonan cu por ehempel ta den fase experimental ainda y cu AZV no
por cubri of tratamentonan cu e momento ey nan ta desea pero cu na e momento ey, e

pashent no ta un candidato medicamente apto pa tuma e tratamento e momento ey.
Esaki ta algo cu e mediconan na Aruba tambe ta evalua, e PR di AZV a splica.

https://www.diario.aw/2019/05/tin-biaha-pashentnan-tin-deseo-pa-tratamentonan-cu-no-ta-den-e-
pakete-di-azv/