Page 56 - HOH

ORANJESTAD (AAN): Vocero di AZV Solange Tchong a referi na e caso di Sr. Tico
Valdez, kende ta un pashent di cancer cu ta buscando e manera pa e por haya
tratamento den exterior. Sr. Valdez a acerca prensa varios biaha pa asina trece su caso
dilanti.

DIARIO a tuma su declaracion algun siman pasa y tambe a haya e punto di bista di
bista di AZV.

Awor Vocero di AZV ta splica ampliamente kico ta e posicion di AZV tocante e caso aki.

Tchong a splica cu un specialista por hasi un peticion pa e pashent. Den e caso aki AZV
a ricibi un peticion di Dr. Jonkhoff, cu tabata oncologo di Sr. Valdez. E peticion a wordo

evalua door di e comision medico independiente.

Ora cu a evalua su peticion, AZV di su banda, a dicidi di warda e evaluacion aki y den e
evaluacion di e comision a tuma lugar cu a pidi dos opinion for di exterior. A pidi

opinion for di Hulanda y for di Colombia, Tchong a laga sa.

AZV a wordo recomenda pa no duna ainda e tratamento cu a wordo pidi pero percura
pa e sigui haya su tratamento aki na Aruba. Unbez cu e tratamento tuma lugar, e ora

ey por bay over na evalua e peticion bek.

Segun Solange Tchong, e motibonan cu a wordo duna tabata cu tratamento medico ta
posibel na Aruba ainda y despues di e di dos tratamento aki di kimoterapia finaliza, lo

por evalua atrobe un posibilidad pa bay exterior.

“Dicon AZV ta bisa esaki cu hopi cautela. Pasobra nos mester corda cu ora bo ta ricibi
tratamento oncologico, hopi biaha e tratamentonan aki ta hopi pisa. Bo curpa ta bay

reacciona, sea e ta bon, sea e ta bira peor pasobra e ta un impacto ariba bo curpa”, a
bisa.

Cu esaki kiermen cu ta hopi bon pa evalua cada momento di un pashent su condicion

fisico y si e ta keda den un condicion fisicamente y medicamente responsabel pa tuma
un otro tratamento, a enfatiza.