Page 12 - bon-dia-aruba-20181117

a12 riba caya
Diasabra 17 November 2018

Accidente fuerte dilanti dump y palo di luz ranca

ORANJESTAD - Diabierna mainta trempan, dilanti
dump na Parkientebos, a sosode un accidente basta
fuerte entre dos auto.

Debi na e impacto un auto a ranca palo di luz y tabata tin
basta waya di coriente riba caminda. Te hasta tabata tin mucha
chikito envolvi, pero familiar a presenta y bay cu nan. Road-
service tabata presente pa tuma dato, y despues di rato polis
tambe a keda notifica y personal Elmar.

Chauffeur bou influencia a dal tras di otro auto riba Irausquin Boulevard

ORANJESTAD - Diabierna pasa di 9’or anochi riba
J.E Irausquin Boulevard, na altura di Tamarijn Hotel
y Divi Resort a sosode un accidente unda un chauffeur
den un Hyundai Accent a para pa peaton crusa, pero su
tras a bin un Chevrolet Optra y dal.

Den e Hyundia Accent tabatin un mucha cu despues di e im-
pacto a cuminsa keha di dolor pa cual a laga ambulans pre-
senta na e sitio pa duna prome auxilio.

Un unidad di Polis di Trafico tambe a presenta pa tuma dato
necesario. Agentenan policial a constata cu e chauffeur di e
Chevrolet Optra ta bou influencia di alcohol. A bay over na
detene e chauffeur y bay cune warda pa lag’e tuma test.

FOR ALL YOUR FLYER

DISTRIBUTIONS

Call: 582-7800
email: accounting@cspnv.com