Page 36 - KPA 12 MAY 2017

25 aña di castigo pa asesino di Wiels

Thursday, 11 May 2017 17:43
Comparti

Burney Fonseca, alias “Nini”, a wordo condena na 25 aña di prizon como causante di e likidacion di Helmin Wiels.
Esaki ta loke cu hues na Willemstad a divulga. Tabata e siman aki precies cuater aña pasa cu e politico mas popular
di Corsou, a wordo tira mata riba e beach di Marie Pompoen.

E morto tabata un shock enorme pa e isla. Hues tabata tin suficiente prueba cu Fonseca a organisa morto di e
politico. Anteriormente e tirador Elvis Kuwas, miho conoci como “Monster”, a haya castigo di bida largo. Vooral e
declaracion di testigo detaya di Kuwas, Fonseca ta rindi.
Helmin Wiels tabata fundador y lider di Pueblo Soberano, e partido mas grandi di e isla tempo cu el a wordo tira
masa, riba dia 5 di Mei, 2013. El a bay na e beach di Marie Pompoen pa come un pisca. Su ruman homber ‘Aubert
Wiels a bisa di ta “hopi contento” cu e veredicto. E ta spera cu e autornan intelectual lo aparece rapido dilanti di
hues.
Ministerio Publico a laga sa bon cla na Fonseca durante di e caso, kende nan ta sospecha. Ex minister di Finansas,
George Jamaloodin, for di e partido MFK di Gerrit Schotte, lo mester a planea hunto cu e operador di loteria, Robby
dos Santos. Nan lo mester a duna Fonseca e ordo pa busca un hende cu kier a elimina Wiels. Jamaloodin ta aresta na
Venezuela pero no kier coopera pa entrega su mes.
Fonseca ta cera na Hulanda y a scucha e veredicto via un transmision en bibo.