Page 38 - KPA 12 MAY 2017
P. 38
Burney ‘Nini’ Fonseca sentencia na 25
aña di prizon den caso Maximus
Posted on 05/11/2017 10:01 am AST | Updated on 05/11/2017 7:37 pm AST
WILLEMSTAD – Corte a dicta sentencia di 25 aña di prizon contra Burney “Nini”
Fonseca den caso Maximus awe mainta. Asina Corte ta confirma su participacion
den e caso di asesinato di politico Helmin Wiels dia 5 di mei 2013. E caso mes a tuma
lugar dia 17 y 19 di april ultimo unda cu fiscal a pidi 26 aña di castigo di prizon. Di
otro banda, su abogado Marije Vaders a pidi vrijspraak pa su cliente indicando
cu Fonseca ta inocente, no tin prueba contra dje y como tal mester dun'e vrijspraak,
osea declar'e liber.
E CASO
Ministerio publico a demanda 26 aña di prizon pa ‘Nini’ Fonseca dia 17 di april ultimo.
Manera Noticiacla.com a raporta caba, cuater aña despues di asesinato di Helmin Wiels,
nos ta dilanti un fase nobo. E asesino, Elvis Kuwas, a keda mientrastanto condena, awor
tabata toca turno na e middleman: Burney ‘Nini’ Fonseca.
