Page 49 - KPA 12 MAY 2017

Luis Mansur ta na Aruba y no ta secuestra

Thursday, 11 May 2017 14:25
Comparti

Informacion cu ta coriendo riba caya y hasta a wordo publica riba dos diferente website ta bisa cu Luis Mansur lo a
wordo secuestra y lo ta Medellin unda el a wordo secuestra y lo ta bibando eynan.

Tur e noticianan aki ta noticia falso. Autoridad na Aruba, polis tabata tin contacto cu Luis Mansur. Aparentemente lo
a kibra na e cas na Nuñe unda e ta biba. Autoridad a bay na e sitio y a constata di e kiebro cu a tuma luga na e cas. A
cuminsa un rumor cu e lo ta secuestra. Esaki a resulta di ta un noticia falso. Autoridad no a para keto y a cuminsa
haci nan investigacion. A base di nan investigacion cu nan tabata haci, hasta a yega den contacto telefonicamente cu
Luis Mansur. El a splica autoridad cu e no tin ningun problema, cu e ta bon. Hasta polis a keda di topa cun’e pa
papia cune y mira kico ta e situacion y confirma personalmente cu e ta ok y cu tur informacion cu a circula y cu a
wordo publica riba dos red social, ta corecto. E informacion cu a duna oficial ta cu nan tin contacto cu Luis Mansur y
cu e no ta secuestra. Nos ta keda pendiente pa mas informacion. Famia tabata hopi preocupa, hasta tabata mirando a
base di rumornan, acumula cierto suma, pero a resulta cu e noticia ta falso y cu Luis Mansur no ta secuestra.
El a sali for di Aruba dia 2 di April y a bolbe Aruba dia 29 di April y tur esaki tambe autoridad tin registra. Ningun
dia a resulta cu e ta na Colombia.