Page 12 - BNDIA ARUBA

a12 riba caya
Diabierna 10 augustus 2018

Accidente fuerte na crusada banda di RCA a laga varios persona herida

O R A N J E S T A D —
Diahuebs mainta riba
Kamerlingh Onnestraat,
banda di e crusada
na RCA, a sosode un
accidente basta fuerte
entre dos auto, cu a laga
varios persona herida.

Daño material tabata hopi
grandi mes, unda specialista
di trafico y departamento
forense di cuerpo policial a
presenta pa saca evidencia.
Debi cu un persona tabata
mas grave cu otro, a keda
transporta cu urgencia pa
hospital pa atencion medico.

Menor di edad a wordo rescata riba Sero di Hooiberg O R A N J E S T A D —
Diaranson anochi unidad
di bombero y polis a
drenta accion pa un
rescate di buskeda, unda
famia a perde un mucha
muhe menor di edad riba
e top di e sero.

Tur hende tabata busca
maske ta scucha e grito,
pero no tabata sa unda e
mucha muhe ta. Unidad di
ambulans tambe a presenta
pa standby pa cualkier cos.
Despues di basta rato a topa
cu e mucha muhe casi na e
punta di sero den mondi
perdi. A logra sake y asina
bahe pa e ta bek cerca di su
famia y personal di ambulans
a controla e persona.