Page 9 - AM181031
P. 9
Diaranson, 31 October 2018 AWEMainta 9
Fraccion di POR
A felicita y gradici Xander Bogaerts p’e
tremendo logronan y exposure pa nos isla
MIEMBRONAN di fraccion di POR,
Marisol Lopez-Tromp y Alan Howell a uni nan
mes na resto di comunidad Arubiano pa felicita
y gradici Xander Bogaerts p’e tremendo logro y
exposure pa nos isla Aruba.
No ta algo di awor, pero specialmente for di
algun siman atras, ora Boston Red Sox tabata
un di e 4 ekiponan cu lo por a yega na final
di World Series, Xander su number y esun di
Aruba a haya extra exposure riba nivelnan in-
ternacional.
Ora e ekipo a pasa pa final y diadomingo a bay
cu e titulo di campeon, e exposure aki a bira
algo hopi grandi mes.
E logro aki sin duda algun a bin danki na un
gran sacrificio, esfuerso y disciplina y awe tan-
to Xander, su famia, amigonan y Aruba henter
por wak e soño aki bira realidad pa di dos biaha
den 5 aña.
Corda cu na 2013 Xander tambe a logra su ren-
chi cu Red Sox ora nan a gana e World Series.
Marisol y Alan a expresa cu hopi orguyo cu nan
ta felicita y gradici Xander p’e gran trabou haci
y e super exposure cu e ta dunando nos dushi
Aruba riba nivel mundial.
