Page 6 - AWEMAINTA

6 AWEMainta Diabierna, 30 November 2018

Bentana di Ministerio Publico destrui

DIARANSON pa 9.30 di anochi Polis di
Playa ta bay na un edificio den Rumbastraat

(Ministerio Publico) pa un caso di destruc-
cion. Na e sitio nan ta papia cu un empleado

di e compania di siguridad “Safe Com”.

E guardia ta declara cu casi 9’or di anochi e
sensor di e bentana pabou a cuminsa zona.

Ora cu e patruya di e compania di siguridad
a yega na e sitio pa 9.15 di anochi nan a bin

constata cu e bentana ta kibra. Nan a yama

Polis mesora cu a yega den 5 minuut.

E Polisnan a constata cu e bentana enberdad

tabata kibra. E persona encarga cu e sistema
di IT di Ministerio Publico tabata na e sitio

y el a wordo pidi pa mira riba e camera di

siguridad si e por mira algo di e sucedido.
Sinembargo e no ta autorisa pa tuma denun-

cia. Den oranan di mainta e persona respon-
sabel a keda di pasa pa entrega keho.

A manda un persona di CEA pa bay na e si-

tio y mantene vigilancia te ora cu e bentana
wordo drecha.

Na Seroe Patrishi tambe tabatin un caso di

destruccion riba diaranson ultimo. E melding

di esaki a drenta despues di 10’or di anochi.
Pa 10.19 di anochi Central di Polis ta manda

patruya di Playa na un cas na Seroe Patrishi

pa un caso di destruccion. Na e sitio ta papia
cu e señora di inicial Z., kende ta biba na e

cas en cuestion. El a conta e Polisnan cu pa

tres dia caba, muchanan homber di 12 pa 13
aña, probablemente di e bisindario mes, ta

tira su cas cu piedra. Tres dia prome nan e
destrui e glas di e porta patras, e bentana di-

lanti di un di e autonan y nan ta tira piedra

riba e cachonan tambe. E señora y su casa ta
hopi cansa y rabia riba e situacion fastioso

aki. Nan no sa ken e mucha hombernan aki
ta.

E Polisnan a duna nan algun tips y e patruya

a priminto cu nan ta haci nan esfuerso pa
pasa mas biaha den bisindario.