Page 40 - AHATA_Neat

Banco Central Di Aruba A Anuncia Emision Oficial Di

E Serie Nobo 2019 Di Biyetenan Di Florin

 Featured
- 04/06/2019

Despues di un campaña extenso di promocion p’e publico sera conoci cu e
caracteristicanan di seguridad di e serie nobo 2019 di biyetenan di florin, Banco Central
di Aruba (BCA) a emiti oficialmente e serie nobo aki dia 3 di juni 2019, presentando e
prome set di biyetenan na sra. Xiomara Ruiz-Maduro, Minister di Finansa, Asunto
Economico y Cultura.

Entrante 4 di juni 2019, e serie nobo 2019 di biyetenan di florin ta obtenibel pa publico
na tur banco comercial pa por haci pago cu nan.

E cronologia di e emision di e serie nobo 2019 di biyetenan di florin ta manera ta sigui:

3 di juni 2019: Emision oficial di e serie nobo 2019 di biyetenan di florin.

4 di juni te cu 11 di augustus 2019: Co-circulacion di e serie di 2003 y e serie nobo
2019 di biyetenan di florin (10 siman).

12 di augustus 2019: E serie 2003 di biyetenan di florin ta sali for di circulacion y no por
wordo uza mas pa haci pago.

4 di juni te cu 4 di december 2019: Por haci e cambio di e serie di 2003 p’e serie nobo
di 2019 di biyetenan di florin solamente na banconan comercial (6 luna).