Page 41 - AHATA_Neat

5 di december 2019 te cu 12 di augustus 2049: Por haci e cambio di e serie di 2003 p’e
serie nobo 2019 di biyetenan di florin solamente na BCA (30 aña).
Cu e introduccion di e serie nobo 2019 di biyetenan di florin, BCA tin como meta pa
mantene e confiansa den e florin Arubano y contribui n’e promocion di e caracter unico y
e bunitesa di Aruba su flora, fauna, herencia cultural, monumento y lugarnan prominente.

Pa nos futuro generacionnan por tambe sigui aprecia esakinan, ta di gran importancia pa
continua cu e promocion di concientisacion publico pa por preservera y conserva
esakinan na un forma adecua.

Den e lunanan benidero, BCA lo sigui cu campañanan extensivo di informacion via e
diferente medionan di informacion, entre otro corant, radio, television, BCA su Facebook
y Instagram y tambe website, p’asina por provee e publico cu e informacion importante
di e serie nobo 2019 di biyetenan di florin.

Ademas, BCA lo tene sesionnan di informacion pa gruponan specifico, y lo pone material
di informacion obtenibel na tur MFA, Biblioteca Nacional, skolnan, oficinanan di Post, y
banconan comercial. Pa loke ta trata e sesionnan di informacion, BCA lo publica e fecha,
ora y lugar den tur corant, como tambe riba su Facebook y Instagram y website.