Page 82 - AVP

Diaranzon atardi a haya e carta, unda a duna diferente motibo pakico no a haci
pago. Pero SIMAR a nota cu loke DPS a skirbi den e carta firma pa director interino
drs. N. Eleonora, no ta cuadra!

SIMAR a bisa cu e docentenan di SPO cu no a haya nan toelage, ta debi cu ya caba DPS
a acerca y papia cu e docentenan di e situacion. SIMAR a check cu e docentenan, y
nan a keda sorprendi cu esaki. Ningun momento un hende di DPS a bay papia cu nan
prome. Ta Dialuna ora cu nan a ripara e discrepancia, a bin tende di DPS cu e

docentenan aki mester acudi na Director di Scol pa haya splicacion, sinembargo te
Diaranson atardi nan no tin claridad pakico a keda sin paga e toelage.

Na Colegio San Nicolas, tampoco e docentenan a haya pago pa overtime. DPS a bisa

cu nan a manda e informacion adelanta pa e cabezante, pero e docentenan a bisa cu
nan no a tende nada.

REUNION PA DPS:

Tur e discrepancianan aki ta keda asombroso, pasobra e docentenan no sa di nada. Y
pa tal motibo SIMAR a dicidi pa bay yama un Reunion Extra-Ordinario riba Diahuebs pa
docentenan di Scolnan SPO na Aruba.

E reunion lo ta 7:30 am na sede di Sindicato SIMAR pa splica y mustra nan e carta di
DPS, y asina start un dialogo pa check ki paso mas por wordo tuma. Esey ta necesario,
como cu e sumanan cu a keda sin wordo paga ta basta grandi.

DPS a bisa via e carta, cu e pago lo tuma lugar na October. Pero SIMAR kier sa con un
docente por biba, sabiendo cu e tin entre 1.000 y 1.200 Florin menos den luna di
September? Pa 9:00 am e reunion lo stop. Pues pa 7:30 am, lo no tin scol pa esnan di

SPO.

REUNION PA COLEGIO SAN NICOLAS:

Despues di esey, pa 10:00 am, Sindicato SIMAR lo tin un Reunion Exra-Ordinario na
Colegio San Nicolas pa sinta cu e docentenan pa asina dialoga y dicidi ki paso lo bay
tuma.